Të paktën 110 palestinezë, duke përfshirë gra dhe fëmijë, u vranë në sulmet izraelite gjatë natës në pjesë të ndryshme të Gazës, duke shënuar ditën e 18-të të një ofensive në enklavën e rrethuar.
Avionët luftarakë izraelitë vazhduan të godasin zona të ndryshme në të gjithë Gazën gjatë gjithë natës, tha kanali satelitor Al Aqsa në Telegram.
Grupi militant palestinez Hamas pretendoi se 140 njerëz u vranë nga Izraeli gjatë natës.
Kanali tha se 57 persona u vranë dhe dhjetëra u plagosën në sulmet ndaj ndërtesave të banimit në Rafah dhe Khan Younis në Gazën jugore.
Vdekje dhe plagosje u raportuan gjithashtu pas sulmeve izraelite në shtëpitë pranë Spitalit të Martirëve Al-Aksa dhe apartamente në "Kullat e të Burgosurve" në perëndim të kampit Nuseirat në Gazan qendrore.
Viktima u raportuan gjithashtu pas një serie sulmesh në kampin e refugjatëve Jabalia në Gazën veriore nga avionët izraelitë.
