Presidenti rus Vlladimir Putin vendosi të dielën të shkarkojë Sergei Shoigun nga posti i ministrit të Mbrojtjes të kabinetit.
Shoigu, bashkëpunëtor i gjatë i presidentit, ka mbajtur këtë post që nga viti 2012.
Sipas një dekreti të postuar në faqen e internetit të Kremlinit, Putini emëroi Shoigun si sekretar të Këshillit të Sigurimit të Rusisë dhe rekomandoi Andrei Bellousov, një ish-zëvendëskryeministër i specializuar në ekonomi, për të zëvendësuar Shoigun.
Duke komentuar vendimin e Putinit, zëdhënësi i Kremlinit Dmitry Peskov tha se një zyrtar civil do të merrte detyrën e kreut të Ministrisë së Mbrojtjes për shkak të nevojës për të futur risi në punën e tij.
Bellousov do të trajtojë gjithashtu detyrën e lehtësimit të integrimit të ekonomisë së mbrojtjes në ekonominë e vendit.
Kreu aktual i Këshillit të Sigurimit, Nikollaj Patrushev, është emëruar në një post të ri që do të shpallet në ditët në vijim, tha Peskov.
Ministrat e tjerë përgjegjës për aspekte të ndryshme të sigurisë, si dhe ministri i punëve të jashtme, do të jenë të njëjtë si në kabinetin e kaluar, vuri në dukje ai.
Parlamenti rus do të shqyrtojë kandidatët për poste ministrore javën e ardhshme.
