Presidenti i Republikës Sërpska (RS), një nga dy entitetet e Bosnjë e Hercegovinës, Milorad Dodik, tha se "kurrë” nuk do të lejojë që BeH ta njohë pavarësinë e Kosovës.
I njohur për retorikën e tij separatiste, Dodik u tha mediave lokale se RS ka qenë një rajon i banuar nga serbët për shekuj.
"Ashtu si serbët që jetojnë në Kosovë. Pastaj dikush erdhi dhe luajti me ‘zemrën e Serbisë’ dhe i vendosi shqiptarët aty", pohoi ai.
Ai tha se Kosova shpalli pavarësinë e saj në vitin 2008 duke kundërshtuar rregullat ndërkombëtare.
"Shteti fals i (kryeministrit të Kosovës) Kurtit e shpalli pavarësinë, por shumë vende në botë, përfshirë Bosnjën e Hercegovinën, nuk e pranuan atë. Për sa kohë që ekziston Republika Sërpska, Bosnjë e Hercegovina kurrë nuk do ta ndryshojë këtë vendim. Unë nuk do ta lejoj këtë", tha ai.
Në përputhje me Marrëveshjen e Dejtonit, e cila i dha fund luftës së viteve 1992-1995 në Bosnjë e Hercegovinë, posti më i lartë i shtetit u caktua Këshilli Presidencial i përbërë nga tre anëtarë, boshnjak, serb dhe kroat.
Marrja e një vendimi në emër të vendit në politikën e jashtme kërkon miratimin e të tre përfaqësuesve.
Bosnjë e Hercegovina është ndër shtetet që nuk e njohin pavarësinë e Kosovës, si pasojë e kundërshtimit të anëtarëve kroatë dhe serbë, edhe pse anëtarët boshnjakë kanë shprehur mendimin pro pavarësisë së Kosovës.
Ndryshe, më 3 nëntor në kuadër të Procesi të Berlinit u nënshkrua marrëveshja për lëvizja me letërnjoftime mes dy shteteve në fjalë, por për të hyrë në fuqi ky vendim duhet ratifikimi paraprak në Kosovë dhe BeH.
2 Dhj 2022
Dodik: Nuk do të lejoj kurrë BeH të njohë pavarësinë e Kosovës
Në përputhje me Marrëveshjen e Dejtonit, e cila i dha fund luftës së viteve 1992-1995 në Bosnjë e Hercegovinë, posti më i lartë i shtetit u caktua Këshilli Presidencial i përbërë nga tre anëtarë, boshnjak, serb dhe kroat.
TRT Balkan / agjencitë
Lajme të ngjashme
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
Artikujt në këtë kategori
Vuçiq dhe Hashemi diskutojnë forcimin e bashkëpunimit ekonomik
Presidenti i Serbisë, Aleksandar Vuçiç, pas takimit tha se kishte pasur një bisedë të mirë dhe miqësore me Hashemin dhe e falënderoi për letrën e presidentit të Iranit, Masoud Pezeshkian, i cili konfirmoi pjesëmarrjen e vendit në EXPO2027.
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
