Autostrada që lidh qytetet Novi Pazar dhe Tutin, dy qytetet e rëndësishme të rajonit të Sanxhakut ku popullsia boshnjake është e dendur, është hapur për qarkullim pasi u rindërtua me mbështetjen e Türkiyes.
Rruga që u rindërtua nga kompania turke 'Taşyapı', u hap për qarkullim në një ceremoni ku i pranishëm ishte edhe presidenti serb, Aleksandar Vuçiq, ambasadori i Türkiyes në Beograd, Hami Aksoy, kreu i bordit të kompanisë 'Taşyapı', Emrullah Turanlı, si dhe zyrtarë të tjerë dhe qytetarë.
Presidenti Vuçiq falënderoi Türkiyen për mbështetjen e projektit dhe tha se punë të tilla janë të rëndësishme për të treguar se sa të mira janë marrëdhëniet mes dy vendeve.
Ambasadori Aksoy, nga ana e tij, tha se rruga do të sjellë më shumë investitorë në rajonin e Sanxhakut. Ai shtoi se marrëdhëniet midis dy vendeve po përjetojnë "epokën e artë".
Ndërkaq, Turanlı falënderoi autoritetet për besimin e kompanisë.
Thuhet se rruga, e cila është një nga rrugët më të rëndësishme të Sanxhakut dhe që ka pritur 40 vite për t'u riparuar, ka vlerë të madhe për banorët e qyteteve Novi Pazar dhe Tutin.
Kompania 'Taşyapı' filloi të punojë në rrugën prej 22 kilometrash në vitin 2019.
