Republika e Türkiye-s është partner, mik dhe aleat i madh i Republikës së Kosovës, thuhet në kumtesën e Zyrës së kryeministrit Albin Kurti, pas takimit që ky i fundit pati me ministrinë e Punëve të Jashtme të Türkiye-s, Mevlüt Çavuşoğlu. Mes tjerash nga atje njoftojnë se kryeministri Kurti, kryediplomatit turk i ka shprehur mirënjohje për mbështetjen e vazhdueshme dhënë Kosovës.
Ministri Çavuşoğlu theksoi mbështetjen e Republikës së Türkiye-s për pavarësinë, sovranitetin dhe integritetin territorial të Republikës së Kosovës, sikurse edhe për anëtarësimin në organizata ndërkombëtare.
Çavuşoğlu në takim me Kurtin ka thënë se Türkiye e mbështet anëtarësimin e Kosovës në Këshillin e Evropës dhe se Kosova është vend partner i NATO-s. Po ashtu, theksoi se Republika e Türkiye-s e ka shumë të rëndësishme paqen dhe stabilitetin dhe se nuk do të lejojë që rajoni i Ballkanit të kthehet në vitet e errëta të ’90-ta.
Ministri turk vlerësoi marrëdhëniet e shkëlqyera bilaterale, rritjen e bashkëpunimit ekonomik dhe të investimeve.
Duke potencuar stabilitetin institucional dhe indikatorët pozitiv ekonomik, kryeministri Kurti ritheksoi përkushtimin e Qeverisë së Republikës së Kosovës për nxitjen e investimeve nëpërmjet zhvillimit të qëndrueshëm ekonomik e social dhe luftimit të krimit dhe korrupsionit.
Kurti veçoi synimin e Kosovës për anëtarësim në Partneritetin për Paqe të NATO-s ndërsa theksoi mundësitë për rritje të bashkëpunimit në mbrojtje dhe siguri.
Sipas komunikatës, në takim është diskutuar për shumë fusha të bashkëpunimit në ekonomi, energji, siguri dhe mbrojtje, ku “u vlerësuan lidhjet e shumta mes dy vendeve, duke veçuar ato mes qytetarëve, që janë një urë për marrëdhëniet e forta dypalëshe”.
Ministri Çavuşoğlu i cili po qëndron për vizitë zyrtare në Kosovë është takuar më herët edhe me presidenten Vjosa Osmani si dhe me kryediplomaten Donika Gërvalla-Schwarz.
20 Qer 2022
Kurti: Türkiye është partner, mik dhe aleat i madh i Kosovës
Kryeministri i Kosovës, Albin Kurti, dje ka pritur në takim kryediplomatin e Türkiye-s, Mevlüt Çavuşoğlu, ku është diskutuar për fusha të ndryshme, përfshi ekonominë, energjinë, sigurinë dhe mbrojtjen
AA
Lajme të ngjashme
Pasaportën e Kosovës e fuqizon liberalizimi i vizave
Procesi i liberalizimit të vizave për qytetarët e Kosovës ka filluar në shkurt të vitit 2012. Edhe pse në vitin 2018 KE-ja vlerësoi se vendi i ka përmbushur të gjitha kriteret e nevojshme që ky proces të përfundojë, një gjë e tillë ende s'ka ndodhur.
Kosova: KE-ja arriti pajtim për mandatin negociues për udhëtimin pa viza
Kosova sipas KE-së ka bërë progres tejet të rëndësishëm në të gjitha stacionet e kushteve për liberalizmin e vizave përfshirë edhe fushat e sigurisë së dokumenteve, kufijve, migrimit, rendit publik, dhe të drejtatlidhur me lirin e lëvizjes.
Borxhi i jashtëm: Kosova më së miri, keq në Mal të Zi e Maqedoni të Veriut
Borxhi i jashtëm i Malit të Zi e kalon, ndërsa i Maqedonisë së Veriut i afrohet nivelit kritik prej 60% në raport me Prodhimin Bruto Vendor, pa përfshirë borxhin e brendshëm. Kosova, nga ana tjetër, ka më së paku borxhe në rajon.
Artikujt në këtë kategori
Dekodimi i motiveve pas mosmarrëveshjeve shekullore Kosovë-Serbi
Kosova shpalli pavarësinë nga Serbia në vitin 2008, por çështja e njohjes nga Serbia mbetet një çështje e diskutueshme. Serbia nuk e njeh pavarësinë e Kosovës, ndërsa shumica e bashkësisë ndërkombëtare e njeh Kosovën si shtet të pavarur.
Çfarë tjetër do të donit të dinit?
Popullore
Kurti telefonon Erdoğanin, diskutojnë rreth bisedimeve me Serbinë
Më datën 3 shkurt, në Istanbul, sipas Zyrës së Kryeministrit, është zhvilluar një takim tejet produktiv mes Kurtit dhe Erdoğanit, i cili do të shërbejë për forcim të mëtejshëm të marrëdhënieve dhe miqësisë së përhershme në mes të dyja vendeve.
