Sveçla: Tensionet në Veri shkak i strukturave ekstremiste-kriminale

Situata në Veri të Kosovës është e tensionuar, jo për shkak të institucioneve të Qeverisë Kosovës, jo për shkak vendimeve të Qeverisë së Kosovës. Por, për shkak se ka një paknaqësi të strukturave ekstremiste-kriminale atje, tha ministri i Punëve të Brendshme të Kosovës, Xhelal Sveçla në një konferencë për media.

“Prej ardhjes në qeverisje ne kemi insistuar në sundim të rendit dhe ligjit atje, kemi lufutar jashtëzakonsisht suksesshëm, për të cilën jemi përgëzuar nga aleatët, miqtë tanë ndërkombëtar. Kjo është njëra ndër arsyet”,

Arsye tjetër sipas Sveçlës për situatën e tensionuar në Veri, janë edhe propozimet për marrëveshje të cilat siç duket nuk janë të pranueshme për Serbinë dhe këto grupe ekstremiste i shfrytëzon të bëjë një fokus të opinionit publik, sidomos të atij të brendshëm në çështje të tjera dhe targat janë marrë si preteks.

“Rezitenca e këtyre grupeve ka qenë herë e armatosur (gjatë kësaj kohe ka pasur rreth 11 sulme të armatosura ndaj zyrtarëve të Policisë) dhe herë e veshur me një petkë politikë, petkë i cili është marrë nga Beogradi drejtëpërdrejtë”, theksoi Sveçla.

Ndryshe, Qeveria e Kosovës vendimin për shqiptimin e gjobave për pronarët e automjeteve me targa serbe e ka prolonguar për 48 orë, gjegjësisht vendimi i paraparë të hyjë në fuqi më 22 është shtyrë për dy ditë shtesë. Ky vendim erdhi pas kërkesës së Ambasadës së ShBA-së në Kosovë.