Përdoruesit e inteligjencës artificiale (IA) që i lejojnë robotët të mendojnë në punë, po marrin rrugën e thjeshtë, e cila është e dëmshme për mendjet e tyre, ka zbuluar një studim i ri.
Një sondazh i 300 punonjësve në Microsoft, krijuesi i sistemit Copilot AI, gjeti "reduktime të vetëraportuara në përpjekjet njohëse" midis shumë përdoruesve që përdorin IA-në në punë në më shumë se 900 mënyra.
Nëse përdoren "në mënyrë të gabuar, teknologjitë rezultojnë në një reduktim të aftësive njohëse që duhet të ruhen", paralajmërojnë shkencëtarët në një punim që do të prezantohet në fund të prillit dhe fillim të majit në një konferencë mbi kompjuterët dhe faktorët njerëzorë në Yokohama, Japoni.
"Besimi më i lartë në inteligjencën artificiale lidhet me të menduarit kritik të reduktuar, ndërkohë vetëbesimi më i lartë, me të menduarit më të fortë kritik," pohon një ekip shkencëtarësh nga Universiteti Carnegie Mellon.
Me fjalë të tjera, përdorimi i inteligjencës artificiale mund të rezultojë që njerëzit të mbeten me detyra të zakonshme, të thjeshta si kontrolli i sjelljes shpesh të paparashikueshme të robotëve, në vend të detyrave njohëse më të vështira të krijimit të strategjive dhe zgjidhjes së problemeve, sugjeron hulumtimi.
"Inteligjenca artificiale gjeneruese e zhvendos mendimin kritik drejt vërtetimit të informacionit, integrimit të përgjigjeve dhe menaxhimit të detyrave," raportoi ekipi i Microsoft-CMU pas vlerësimit të përgjigjeve të punonjësve të tij që përdorën robotë si ChatGPT-ja për detyra si shkrimi i emaileve ose rishikimi i punës së kolegëve të tyre.
