Futbollistët e Sevillas fituan trofeun e Europa League, pasi ekzekutuan penallti më mirë se Roma (1-1, 4-1 penallti). Ndeshja në “Puskas Arena” të Budapestit u ofroi një luftë të madhe të dyja skuadrave, raste para dy golave dhe mprehtësi taktike të dy trajnerëve.
Specialistët për këtë kompeticion, skuadra nga Andaluzia arriti t'i shkaktojë Jose Murinjos humbjen e parë në finalet e Europës.
Rezultati u hap pas 35 minutash lojë me anë të Paulo Dybala. Asi argjentinas mori një top ideal nga Mancini nëpërmjet mbrojtjes, ndaj me stilin e tij me një goditje të mirë arriti të mposhtë Bonon për 0-1.
Në fillim të pjesës së dytë, një Sevilla shumë më sulmuese doli në fushë.
Trajneri Mendilibar hodhi menjëherë në krahë “jokerët” e tij, Lamelën dhe Suson. Iniciativa e sulmeve erdhi nga spanjolët dhe shumë shpejt rezistenca e skuadrës së Mourinhos u thye. Në minutën e 55-të, pas një krosimi të Jesus Navas, ishte i pafat mbrojtësi i Romës, Gianluca Mancini i cili duke dashur të evitojë rezikun, shënoi autogol për 1-1.
Me këtë rezultat përfundoi ndeshja e rregullt dhe vazhdimet, e më pas gjatë ekzekutimit të penaltive, andaluzianët goditën më saktë nga pika e bardhë dhe siguruan trofeun e 7-të të Europa Leagues.
Trajneri, i 3-ti i vërteti për Sevillan
Ajo që e bën të spikatur Sevillan është se këtë sukses e kanë arritur me trajnerin e tretë në stol. Pasi që kishin një sezon të dobët në Primera, madje rrezikonin të bienin nga liga spanjolle, Sevilla u detyrua të ndryshojë trajnerët dy herë brenda sezonit. Filluan me Lopeteguin, më pas as Sampaoli nuk dha rezultate, e për të siguruar trajnerin aktual Jose Luis Mendilibar, i cili jo vetëm që kishte rezultate pozitive në Primera, por befasoi me suksesin e tij edhe në arenën ndërkombëtare, duke siguruar trofeun e Europa Leagues.
Spanjolët të vetmit me pesë përfaqësues në Ligën e Kampionëve
Ajo që funksionoi për Gjermaninë vitin e kaluar tani iu erdhi për dore Spanjës. Primera do të ketë pesë përfaqësues në edicionin e ardhshëm të Champions League.
Gjegjësisht, me triumfin në Ligën e Evropës, skuadra e Sevillas siguroi pjesëmarrjen në Ligën e Kampionëve, që do të thotë pjesëmarrësja e pestë në kompeticionin më të fortë të klubeve në Evropë. Përveç fituesit të Europa League, në elitë do të luajnë edhe Barcelona, Real Madrid, Atlético Madrid dhe Real Sociedad.
