Ronaldo Nazario, legjenda braziliane e futbollit, njoftoi sot se do të kandidojë për postin e presidentit të Konfederatës së Futbollit të Brazilit (CBF).
"Për shumë dekada, futbolli brazilian ka qenë gjithmonë rruga e shpëtimit për popullin brazilian kur ata përballeshin me probleme të përditshme", tha Ronaldo për median braziliane "Globo TV", duke shtuar:
"Në mesin e qindra gjërave që më motivojnë të bëhem kandidat për president të CBF-së është të rikuperoj këtë prestigj dhe respekt që ekipi kombëtar ka pasur gjithmonë dhe që askush tjetër nuk e ka sot", shtoi ai.
Mandati i presidentit aktual të CBF-së Ednaldo Rodrigues do të përfundojë në mars të vitit 2026.
Ronaldo, 48-vjeç, fitues i Kupës së Botës në vitet 1994 dhe 2002, ka shënuar 62 gola në 99 ndeshje për kombëtaren braziliane.
Brazili, i cili mban rekordin me pesë tituj të fituar të Kupës së Botës FIFA, për herë të fundit e ngriti trofeun në vitin 2002.
