Superylli argjentinas i Inter Miamit, Lionel Messi, u shpall fituesi i çmimit të Topit të Artë për meshkuj 2023 në një ceremoni në Paris të hënën. Ky çmim për argjentinasin është i teti në karrierën e tij, duke shënuar rekord.
Mesfushorja spanjolle e Barcelonës, Aitana Bonmati, fitoi çmimin Topi i Artë për femra 2023.
Portieri argjentinas i Aston Villas, Emiliano Martinez, fitoi trofeun Yashin 2023, i cili iu dha portierit me performancën më të mirë.
Si Messi, ashtu edhe Martinez ndihmuan Argjentinën të siguronte titullin e Kupës së Botës FIFA 2022.
Ylli norvegjez i Manchester City, Erling Haaland shënoi 56 gola dhe fitoi trofeun Gerd Muller 2023, i cili i jepet futbollistit me më së shumti gola në sezonin e kaluar, duke marrë parasysh golat e shënuar si për klubet ashtu edhe për ekipet kombëtare.
Ylli i ri anglez i Real Madridit, Jude Bellingham, fitoi trofeun e Copa 2023, i cili i jepet lojtarit me performancë më të mirë në mbarë botën nën moshën 21 vjeç.
Sulmuesi brazilian i Real Madridit, Vinicius Jr., iu dha çmimi Socrates 2023, i cili është një çmim vjetor futbolli për të vlerësuar punën humanitare nga futbollistët anembanë globit.
Fituesve të trefishtë, Manchester City, iu dha çmimi Klubi i Vitit për meshkuj 2023, i cili shënoi një fitore të njëpasnjëshme.
Barcelona Femeni fitoi çmimin e Klubit të Vitit të Femrave 2023, i cili u dha për herë të parë këtë vit.
Ish-ylli i Bregut të Fildishtë, Didier Drogba, ishte ndër nikoqirët e edicionit të 67-të eventit.
Kujtojmë se çmimi i Topit të Artë, i cili prezantohet çdo vit nga revista franceze France Football që nga viti 1956, i jepet lojtarit më të mirë të sportit.
