Gjakova organizoi një ndër garat më tradicionale të këtij qyteti. Bëhet fjalë për kërcim në ujë nga Ura e Fshejt.
Kjo garë u mbajt për të 71-tën herë, ndërsa këtë vit e organizuar nga klubi i kërcimit "Bridge Divers" në bashkëpunim me Komunën e Gjakovës ndërsa e ndoqën qindra njerëz.
Në garën e cila organizohet tradicionalisht në urën e ndërtuar në shekullin e 18-të, e cila është rindërtuar pasi është shkatërruar plotësisht në Luftën e Parë Botërore, mbi 20 sportistë kosovarë kërcyen nga lartësia prej 22 metrash në lumin Drini i Bardhë.
Në piedestal i pari u rradhit Shkëlzen Goqi në stilin dallëndyshe të kërcimit nga ura ndërsa Nasib Krasniqi i dyti dhe Bledar Morina i treti.
Historiku i këtij evenimenti daton nga viti 1954 e deri në vitin 1999 në kohën e Luftës së Kosovës, ndërsa pas disa vitesh ndërprerje tradita rifilloi në vitin 2014.
Synohet që eventi të sillet sërish në nivel ndërkombëtar dhe të kontribuojë në turizmin e vendit.
25 Kor 2022
Ura e Fshejt në Gjakovë edhe sivjet mirëpriti kërcyesit
Historiku i këtij evenimenti daton nga viti 1954 e deri në vitin 1999 në kohën e Luftës së Kosovës
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
