Në Bruksel të Belgjikës u mbajt hapja zyrtare për ekspozitën e tretë të vitit të 10-të të "Istanbul Photo Awards", konkursit ndërkombëtar të fotografisë së lajmeve të organizuar nga Agjencia Anadolu (AA).
Zëvendësdrejtori i Përgjithshëm i AA-së, Oğuz Enis Peru, me ftesë të ekspozitës së përbërë nga punimet e të gjithë fotografëve që morën çmime në konkurs, tha: "Si AA, ne kemi besuar gjithmonë në fuqinë e vizualitetit. 'Istanbul Photo Awards', një konkurs ndërkombëtar i fotografisë së lajmeve, jep kontribut të rëndësishëm në botën e fotografisë. Këtë vit festojmë 10-vjetorin e këtij konkursi të vyer".
Peru deklaroi se 185 mijë fotografi të 18 mijë fotografëve u ekspozuan në konkurs në 10 vitet e fundit. "Ka qenë nder të shoh konkurrencën të rritet në një platformë që feston sesi fotografët nga e gjithë bota përjetojnë jetën".
Duke thënë se juria prestigjioze ndërkombëtare e konkursit kishte vështirësi në zgjedhjen e momenteve më të mira të 10 kategorive, Peru tha se në konkurs morën pjesë mbi 20 mijë fotografi nga e gjithë bota. Ai kujtoi se fotografi palestinez Mohammed Salem, një nga pjesëmarrësit e "Istanbul Photo Awards", u vlerësua i denjë për çmimin "Foto e Vitit" me fotografinë e tij të titulluar "Gruaja palestineze duke përqafuar kufomën e nipit të saj".
"Që nga 7 tetori, më shumë se 41 mijë njerëz kanë humbur jetën në Gaza, 150 mijë shtëpi janë shkatërruar plotësisht dhe mbi 170 përfaqësues të mediave janë vrarë në sulmet izraelite. Si AA, ne vazhdojmë ta ndjekim nga afër Gazën dhe të jemi zëri i njerëzimit", tha ai.
Peru tha se "Fotografitë fituese të çmimeve zbulojnë realitetet e ashpra të botës. Këto fotografi dokumentojnë vuajtjet njerëzore dhe kontribuojnë në kujtesën kolektive të njerëzimit".
Do të fillojnë aplikimet për "Istanbul Photo Awards 2025"
Duke theksuar se vizioni i "Istanbul Photo Awards" është të bëhet traditë e fortë globale, Peru tha: "Shpresojmë të inkurajojmë fotoreporterët që po përpiqen të ushtrojnë profesionin e tyre në kushte sfiduese. Jam i lumtur të njoftoj se aplikimet për 'Istanbul Photo Awards 2025' do të fillojë së shpejti dhe ftoj të gjithë fotografët të marrin pjesë".
Peru uroi 32 fotografët fitues të çmimeve dhe falënderoi ata që morën pjesë në konkurs dhe ftesë.
Ekspozita "Istanbul Photo Awards" hapet në zemër të Evropës
Përfaqësuesi i Përhershëm i Türkiyes në BE, ambasadori Faruk Kaymakcı, tha: "Faleminderit për pjesëmarrjen në ekspozitën e 'Istanbul Photo Awards 2024', një moment historik 10-vjeçar që bashkon sot fotografë të talentuar, artistë dhe të pasionuar, subjekte dhe këndvështrime të ndryshme".
Ai kujton se "Istanbul Photo Awards" është konkurs ndërkombëtar i fotografisë së lajmeve të organizuar nga AA, një agjenci globale e lajmeve që funksionon për më shumë se 100 vjet. "Jam i kënaqur që jam pjesë e kësaj ekspozite të mbajtur për herë të parë në Bruksel në 'zemrën e Evropës'", tha Kaymakcı.
"AA është burim informacioni dhe frymëzimi për publikun"
Ambasadori i Türkiyes në Bruksel, Bekir Uysal falënderoi AA-në për organizimin e aktivitetit. "E themeluar në vitin 1920, AA vazhdon të jetë një nga institucionet më të vjetra dhe më të besueshme në Türkiye", tha ai.
"AA është bërë agjenci e njohur dhe e respektuar ndërkombëtarisht. Është i admirueshëm angazhimi i AA-së për të raportuar vazhdimisht zhvillimet aktuale, nga krizat humanitare deri te fatkeqësitë natyrore, ngjarjet politike dhe sociale", tha Uysal.
"Ngjarje prestigjioze nga AA"
Përfaqësuesi i Përhershëm i Türkiyes në NATO, ambasadori Levent Gümrükçü duke iu referuar thënies "Një fotografi vlen sa një mijë fjalë", ai tha: "Unë e konsideroj këtë të vërtetë sepse në shumicën e rasteve është e pamundur të kapësh dhe pasqyrosh kuptimin e vërtetë të një momenti vetëm me libra. Duhet ta shihni. Ju duhet ta vizualizoni atë për të kuptuar se çfarë do të thotë në të vërtetë".
"Jam shumë mirënjohës dhe i lumtur që AA organizon një ngjarje kaq prestigjioze për të nderuar, shpërblyer fotoreporterët dhe vlerësuar vlerën e punës së tyre", theksoi Gümrükçü.
Interesim i madh për ngjarjen
Në ftesë morën pjesë përfaqësues të institucioneve të BE-së, misioneve të huaja dhe organizatave joqeveritare si dhe shumë përfaqësues të mediave belge dhe ndërkombëtare.
Zëvendësdrejtori i Përgjithshëm i Anadolu-s, Peru i prezantoi ambasadores palestineze, Amal Jadou në BE, Belgjikë dhe Luksemburg, e cila mori pjesë në ftesë, librin "Dëshmi" të Anadolu-s, që dokumenton gjenocidin e Izraelit në Rripin e Gazës.
Ekspozita mund të vizitohet deri më 18 nëntor
Sony mbështet konkursin, i cili mbahet nën sponsorizimin e komunikimit të Turkcell këtë vit, si sponsor i çmimit, Agjencia Turke e Bashkëpunimit dhe Koordinimit si sponsor i ngjarjeve jashtë shtetit dhe Turkish Airlines si sponsor i linjës ajrore.
Informacioni rreth fotografive fituese të çmimeve mund të gjendet në "istanbulphotoawards.com".
Ekspozita do të jetë e hapur për vizitorët në Galerinë SR në Sablon deri më 18 nëntor.
