Presidenti i Türkiye-s, Recep Tayyip Erdoğan është nisur drejt qytetit Semerkant të Uzbekistanit për të marrë pjesë si i ftuar special në Samitin e 22-të të presidentëve të shteteve të Organizatës së Bashkëpunimit të Shangait.
Presidenti Erdoğan u përcoll nga aeroporti Esenboğa në Ankara nga zv/presidenti Fuat Oktay dhe zyrtarë të tjerë.
Në vizitën e tij në Semerkant presidenti Erdoğan shoqërohet nga bashkëshortja e tij Emine Erdoğan, ministri i Punëve të Jashtme, Mevlüt Çavuşoğlu, ministri i Energjisë dhe Burimeve Natyrore, Fatih Dönmez, ministri i Thesarit dhe Financave, Nureddin Nebati, ministri i Mbrojtjes Kombëtare, Hulusi Akar, ministri i Tregtisë, Mehmet Muş, kreu i Agjencisë Kombëtare të Inteligjencës (MIT), Hakan Fidan, kreu i Industrisë së Mbrojtjes së Türkiye-s, Ismail Demir, drejtori i Komunikimeve të Presidencës, Fahrettin Altun, zëdhënësi i Presidencës, İbrahim Kalın, zv.kryetari i përgjithshëm dhe zëdhënësi i AK Partisë, Ömer Çelik.
Erdoğan do të marrë pjesë si i ftuar special në Samitin e 22-të të presidentëve shtetëror të Organizatës së Bashkëpunimit të Shangait, me ftesë të presidentit të Uzbekistanit, Shavkat Mirziyoyev.
Kjo do të jetë hera e parë që Türkiye merr pjesë në nivel "presidencial" në takimet e Samitit që nga viti 2012, kur Türkiye mori statusin "Partner dialogu" në Organizatën e Bashkëpunimit të Shangait.
Presidenti Erdoğan pritet të mbajë fjalim në sesionin e dytë të samitit më 16 shtator dhe të zhvillojë takime dypalëshe me liderë si homologu i tij rus Vladimir Putin dhe homologu kinez Xi Jinping.
15 Sht 2022
Erdoğan niset për Uzbekistan me ftesë të presidentit të Shavkat Mirziyoyev
Presidenti Erdoğan pritet të mbajë fjalim në sesionin e dytë të samitit të Organizatës së Bashkëpunimit të Shangait (OBSH), më 16 shtator dhe të zhvillojë takime dypalëshe me liderë si homologu i tij rus Vladimir Putin dhe homologu kinez Xi Jinping.
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
