Ministri i Punëve të Jashtme i Türkiyes, Hakan Fidan, ka deklaruar se vendi i tij pret që Iraku ta njohë zyrtarisht PKK-në si organizatë terroriste.
“Ne presim që Iraku, nga miqësia dhe vëllazëria, ta njohë zyrtarisht PKK-në si një organizatë terroriste. Ne nuk mund të pranojmë që PKK-ja të sfidojë sovranitetin e Irakut”, tha Fidan duke folur në një konferencë të përbashkët për media në Bagdad me homologun e tij irakian, Fuad Hussein.
Fidan tha se integriteti territorial, uniteti politik dhe sovraniteti i Irakut janë një nga prioritetet e Türkiyes.
“Sinjari, Makhmouri, Kandili, Sulaymaniyah dhe shumë fshatra të tjerë irakianë janë pushtuar nga grupi terrorist PKK”, tha ai.
Në fushatën e saj terroriste mbi 35-vjeçare kundër Türkiyes, PKK-ja e listuar si një organizatë terroriste nga Türkiye, Mbretëria e Bashkuar, ShBA-ja dhe Bashkimi Evropian (BE), ka qenë përgjegjëse për vdekjen e mbi 40 mijë personave, përfshirë shumë gra, fëmijë dhe foshnja.
