Ministri i Jashtëm turk Hakan Fidan u takua të martën me homologët e tij në margjinat e takimit të NATO-s në Bruksel.
Fidan është në Bruksel për të marrë pjesë në takimin e ministrave të jashtëm të vendeve të NATO-s, ku do të diskutojnë luftën në Ukrainë dhe konfliktin e Lindjes së Mesme, si dhe konkurrencën strategjike në rritje.
Fidan zhvilloi një takim me dyer të mbyllura me homologun e tij shqiptar Igli Hasani.
“Në takim, ministrat konfirmuan vendosmërinë e tyre për të forcuar bashkëpunimin midis Türkiyes dhe Shqipërisë në të gjitha fushat. Ata gjithashtu shkëmbyen mendime mbi zhvillimet më të fundit në lidhje me rajonin e Ballkanit dhe Gazën”, tha ministria e jashtme turke në X.
Fidan u takua edhe me homologun e tij estonez Margus Tsahkna për të diskutuar marrëdhëniet dypalëshe dhe zhvillimet e fundit në Ukrainë.
Sipas Ministrisë së Jashtme turke, Fidan dhe Tsahkna shkëmbyen mendime edhe për zhvillimet aktuale në lidhje me aleancën.
Fidan zhvilloi gjithashtu bisedime të veçanta me homologun e tij norvegjez Espen Barth Eide dhe ministrin e jashtëm suedez Tobias Billstrom në margjinat e takimit të NATO-s.
“Gjatë takimeve që u zhvilluan në Përfaqësinë e Përhershme të Türkiyes në NATO, u diskutuan çështjet dypalëshe si dhe situata e fundit në procesin e anëtarësimit të Gazës dhe Suedisë në NATO”, tha ministria.
Ata shtuan se Fidan kishte gjithashtu takime me homologët e tij të tjerë gjatë takimit të NATO-s.
Më herët, ministri i Jashtëm turk u takua veçmas me Sekretarin Amerikan të Shtetit Antony Blinken dhe sekretarin e përgjithshëm të NATO-s Jens Stoltenberg.
