Të gjitha objektet e NATO-s në mbarë botën së shpejti do të përdorin një softuer të infrastrukturës së inteligjencës të zhvilluar nga një firmë turke e mbrojtjes.
STM, një kompani shtetërore turke e mbrojtjes, njoftoi se ka siguruar dy kontrata të mëdha në lidhje me drejtimin, mbledhjen, procesimin, shpërndarjen dhe përdorimin e informacionit të inteligjencës brenda NATO-s.
Vendimi u mor nga Agjencia e Komunikimeve dhe Informacionit të NATO-s (Agjencia NCI), e cila merret me të gjitha blerjet, vendosjen dhe mirëmbajtjen e sistemeve të komunikimit dhe informacionit për drejtuesit dhe komandantët e Aleancës.
STM-ja mundi konkurrencën nga disa kompani lidere softuerësh nga shtetet anëtare të NATO-s për të arritur atë që tha se ishte “një nga projektet më të mëdha të zhvillimit të softuerit të caktuar ndonjëherë nga NATO-ja në Türkiye”.
STM-ja dhe Agjencia NCI nënshkruan dy kontrata pas negociatave të paradhënies në lidhje me projektet, të quajtura zyrtarisht Shërbimet Funksionale të Inteligjencës (INTEL-FS 2), thuhet në një deklaratë të lëshuar të shtunën.
“Softueri që do të zhvillohet nga STM-ja do të mbështesë komandat e NATO-s në drejtimin, mbledhjen, procesimin, shpërndarjen dhe përdorimin e informacionit të inteligjencës”, tha kompania.
“Të gjitha komandat dhe bazat ushtarake të NATO-s në mbarë botën do të menaxhojnë rrjedhën e tyre të inteligjencës nëpërmjet softuerit që STM-ja do të zhvillojë dhe modernizojë.”
Projektet INTEL-FS2 pritet të përfundojnë në tri vjet e gjysmë.
Ismail Demir, kreu i Presidencës së Industrive të Mbrojtjes të Türkiye, përshëndeti marrëveshjet, të cilat STM-ja theksoi se janë “një nga kontratat më të mëdha të fituara nga një kompani turke nga Agjencia NCI”.
Türkiye ka arritur në fazën e transferimit të kompetencave të saj softuerike tek institucionet dhe organizatat kryesore ndërkombëtare, tha ai për Anadolu-n.
Drejtori i Përgjithshëm i STM-së, Ozgur Guleryuz, tha për Anadolu-n se firma ka një marrëdhënie të gjatë pune me NATO-n, duke ofruar zgjidhje në fusha të ndryshme, veçanërisht në softuer dhe mbrojtje.
STM-ja dha projektin thelbësor të integrimit në NATO, i cili do të ndihmojë në rritjen e ndjeshme të ndërgjegjësimit të situatës në fushën e betejës dhe ka ofruar softuer për njësitë e komandës dhe kontrollit të vendeve të ndryshme në Afganistan gjatë 10 viteve të fundit, tha ai.
Marrëveshja e re për këtë “softuer kritik” është një nga projektet më të mëdha të eksportit që Türkiye ka marrë ndonjëherë nga NATO-ja në lidhje me zhvillimin e softuerit, pohoi Guleryuz.
