Numri i të dyshuarve të arrestuar për sulmin terrorist në postbllokun e policisë në Gjykatën e Istanbulit, ditë më parë, është rritur në 94.
Autorët e sulmit në një postbllok policie jashtë gjykatës ishin anëtarë të grupit terrorist DHKP-C, siç u zbulua të martën nga ministri i Brendshëm i Türkiyes, Ali Yerlikaya.
Në një deklaratë pas sulmit, ai njoftoi se operacionet u kryen në 25 adresa të ndryshme, duke rezultuar në ndalimin e 40 personave.
Ai gjithashtu vuri në dukje se operacionet janë ende në vazhdim, duke shtuar se një zëvendëskryeprokuror dhe pesë prokurorë republikanë janë caktuar në hetim.
Prokuroria Publike e Istanbulit drejton hetimin për sulmin e armatosur nga anëtarët e organizatës terroriste DHKP-C, Emrah Yayla dhe Pinar Birkoc. Ndryshe, dy terroristë sulmuan të martën postbllokun e policisë në portën C të gjykatës Caglayan të Istanbulit, duke rezultuar me neutralizimin e tyre dhe vdekjen tragjike të një civili që u plagos në incident.
