Fshati i smurfëve me përmasa reale u hap për vizitorët në "Expo Center" në kryeqytetin e Belgjikës, Bruksel.
Me efekte të ndryshme speciale dhe pajisje teknologjike, vizitorët përjetojnë jetën e tyre të përditshme duke u përzier me smurfët në një mjedis ku e ndiejnë veten në të njëjtën madhësi si smurfët.
Përvoja smurf është një udhëtim në botën e smurfëve, me 9 zona të ndryshme, inovacione ndërvepruese dhe 75 minuta eksplorim.
Fotoreporteri i Anadolut kapi pamjet mahnitëse nga brenda ku shihen familjet me fëmijët e tyre duke eksploruar zonën.
Të gjithë i njohin smurfët. Njerëzit e vegjël blu (Les Schtroumphs në frëngjisht) u shfaqën për herë të parë në revistën "Spirou" në vitin 1958. Ata u shpikën nga ilustruesi i Brukselit, Pierre Culliford, gjatë një dreke me një karikaturist tjetër në bregdetin belg.
