Egjipti kërkon të jetë partner dhe jo konkurrent me Türkiyen në turizëm, pasi operatorët turistikë i shohin të dyja vendet si destinacione të denjë, sipas një zyrtari egjiptian.
Mohamed Atta Elsherbeiny, shefi i turizmit ndërkombëtar me Autoritetin Egjiptian të Turizmit, i lidhur me Ministrinë e Turizmit, tha për Anadolu se Türkiye dhe Egjipti dikur konkurronin kundër njëri-tjetrit në turizëm, por tani ata punojnë në bashkëpunim, veçanërisht pas pandemisë.
Ai tha se turistët nga vende të ndryshme fluturojnë për në Egjipt nëpërmjet Türkiyes, pasi Türkiye është një qendër fluturimi dhe operatorët turistikë përfitojnë nga kjo.
Elsherbeiny tha se investitorët e turizmit vijnë në Egjipt nga Türkiye dhe se një kompani e njohur në Türkiye ka shtatë hotele në Egjipt, me tre të tjerë në ndërtim e sipër.
Sa u përket vizitorëve nga Türkiye, ai përmendi se vitin e kaluar Egjipti ka pritur 180.000 mysafirë turq.
Türkiye dhe Egjipti nuk duhet të konkurrojnë më kundër njëri-tjetrit dhe në vend të kësaj duhet të vazhdojnë dhe t'i rrisin përpjekjet e bashkëpunimit, shtoi ai.
