Grupi Houthi i Jemenit ka marrë përgjegjësinë për një sulm me dron në Tel Aviv që plagosi të paktën 10 persona dhe vrau një, sipas autoriteteve.
Korporata e Transmetimeve Publike Izraelite raportoi se "një dron i ngarkuar me bombë shpërtheu në kryqëzimin e rrugëve Shalom Aleichem dhe Ben Yehuda në Tel Aviv, qindra metra larg nga Ambasada Amerikane".
Zëdhënësi i ushtrisë izraelite tha se “shpërthimi ndodhi në orët e hershme të mëngjesit të së premtes në Tel Aviv për shkak të një sulmi ajror”.
“Sulmi nuk aktivizoi sirenat dhe incidenti është nën hetim”, shtoi ai.
Kanali izraelit 13 citoi një raport paraprak të hetimit të ushtrisë që thoshte se droni që goditi Tel Aviv u zbulua, por nuk u kap për shkak të "gabimit njerëzor", pa dhënë detaje të mëtejshme.
Sulmi goditi disa orë pasi ushtria izraelite konfirmoi se një nga sulmet ajrore të saj kishte vrarë një komandant të Hezbollahut dhe të tjerë që i përkisnin grupit në Libanin jugor.
