Kabineti izraelit do të mblidhet herët të premten për të ratifikuar marrëveshjen e armëpushimit dhe të shkëmbimit të pengjeve me fraksionet palestineze në Rripin e Gazës.
Autoriteti i Transmetimit i Izraelit KAN njoftoi lajmin në X, duke cituar një zyrtar.
Ndërkaq, Izraeli ditën e enjte shtyu mbledhjen e kabinetit për miratimin e marrëveshjes së armëpushimit duke akuzuar Hamasin për ndryshimin e disa dispozitave të marrëveshjes, duke njoftuar se "kabineti izraelit nuk do të mblidhet derisa Hamasi të njoftojë ndërmjetësuesit se i pranon të gjitha dispozitat e marrëveshjes".
Në anën tjetër, anëtari i Byrosë Politike të Hamasit, Izzat al-Risheq, deklaroi se i qëndrojnë marrëveshjes.
Marrëveshja, e shpallur nga Katari të mërkurën, do të hyjë në fuqi të dielën.
