Duke reaguar ndaj ndalesës së Bashkimit Evropian (BE) për platformën e popullarizuar të mediave sociale TikTok, Kina sot i kërkoi BE-së të "sigurojë një mjedis biznesi që nuk është diskriminues për kompanitë e të gjitha vendeve".
"Ndalesa e BE-së për TikTok-un nga pajisjet e stafit minon besimin e komunitetit ndërkombëtar në mjedisin e biznesit të BE-së", citoi media shtetërore zëdhënësen e Ministrisë së Jashtme kineze, Mao Ning, e cila u prononcua në një konferencë për media sot në Pekin.
Komisioni Evropian më 23 shkurt u kërkoi zyrtarëve të tij të heqin aplikacionin kinez të mediave sociale TikTok nga pajisjet e tyre për shkak të “shqetësimeve të sigurisë".
Ata thanë se do të ndërpresin përdorimin e aplikacionit TikTok nga pajisjet e saj të korporatave dhe ato personale të lidhura me sistemin e institucionit.
Në aspektin praktik, punonjësit do të duhet të heqin aplikacionin e ndarjes së videove të shkurta nga pajisjet e tyre që i përdorin për punë.
"BE-ja duhet të respektojë rregullat e tregut dhe të ndalojë së përgjithësuari konceptin e sigurisë kombëtare dhe duhet të sigurojë një mjedis korrekt për kompanitë e huaja", shtoi Mao.
Disa vende perëndimore kanë ngritur shqetësime të supozuara për sigurinë lidhur me përdorimin e aplikacionit kinez të mediave sociale.
Kanadaja gjithashtu ka ndaluar TikTok-un nga të gjitha pajisjet qeveritare të hënën për arsye të supozuara sigurie.
"Mund të jetë fillimi i një aksioni të mëtejshëm", tha kryeministri kanadez, Justin Trudeau, ndërsa deputetëve në Danimarkë iu "kërkua çinstalim i menjëhershëm" i aplikacionit TikTok nga pajisjet e tyre të punës – celularët, tabletët dhe kompjuterët "për shqetësime sigurie".
ShBA-ja ka thënë gjithashtu se ka ndërmarrë "të gjitha hapat e nevojshme" për të mbrojtur të dhënat e amerikanëve.
1 Mar 2023
Kina reagon pasi KE-ja u ndaloi zyrtarëve përdorimin e TikTok-ut
"BE-ja duhet të respektojë rregullat e tregut dhe të ndalojë së përgjithësuari konceptin e sigurisë kombëtare dhe duhet të sigurojë një mjedis korrekt për kompanitë e huaja", tha në reagimin e saj, zëdhënesja e MPJ-së së Kinës, Mao Ning.
AA
Lajme të ngjashme
Qytetarët e nëntë shteteve të BE-së shënuan rënie të të hyrave
Pandemia e COVID-19 ndikoi në kushtet e jetesës në BE. Përveç ndryshimeve në të ardhura, ndryshime të tjera u përjetuan në arsim dhe në kushtet e punës, shëndetin/mirëqenien mendore të njerëzve dhe kushtet e përgjithshme të kujdesit shëndetësor.
Artikujt në këtë kategori
ShBA-ja: Policia arreston 93 studentë në protestat propalestineze
Në Universitetin e Kalifornisë Jugore (USC), gjatë protestave propalestineze, policia ndërhyri dhe arrestoi numër të madh studentësh që protestuan kundër Izraelit, protestë kjo që u përhap edhe në universitete të tjera në shtete të ndryshme të botës.
Belgjika reagon ndaj vrasjes së punëtorit belg në Rafah
"Bombardimi i zonave dhe popullsive civile është kundër ligjit ndërkombëtar. Do të thërras ambasadorin izraelit për të dënuar këtë veprim të papranueshëm dhe për të kërkuar shpjegim", tha Ministrja e Punëve të Jashtme të Belgjikës, Hadja Lahbib.
Çfarë tjetër do të donit të dinit?
Popullore
