Presidenti aktual i Azerbajxhanit, Ilham Aliyev, kryeson në zgjedhjet presidenciale me 92,1 për qind të votave, sipas të dhënave të Komisionit Qendror të Zgjedhjeve (KQZ)
Numrat u bën të ditur nga Komisioneri Zgjedhor Mazakhir Panakhov pas numërimit të 93 për qind të votave nga zgjedhjet presidenciale të së mërkurës.
Zahid Oruj, një kandidat i pavarur, ishte prapa me 2,19 për qind, i ndjekur nga lideri i Partisë së Krijimit të Madh, Fazil Mustafa, me dy për qind të votave.
Kandidatët e tjerë fituan më pak se dy për qind të votave.
Karakteristika kryesore e zgjedhjeve presidenciale në Azerbajxhan në vitin 2024 ishte se për herë të parë në histori ato u mbajtën në gjithë territorin e vendit, duke përfshirë rajonin e çliruar të Karabakut.
"Pjesëmarrja në atë zonë është një nga më të lartat në vend. Dy orë pas fillimit të zgjedhjeve votuan rreth 30 për qind e qytetarëve në rajon", njoftoi komisioni zgjedhor.
Zgjedhjet u ndoqën nga vëzhgues të huaj dhe vendas si dhe një numër i madh gazetarësh.
