Aviokompania gjermane Lufthansa ka anuluar sot më shumë se një mijë fluturime për shkak të grevës së personelit të aeroporteve të kompanisë lidhur me një mosmarrëveshje për pagat.
Greva njëditore, e cila filloi në orën 03:45 të mëngjesit sipas kohës lokale ka detyruar kompaninë gjermane të anulojë pothuajse të gjitha fluturimet nga aeroportet e Frankfurtit dhe Mynihut.
Ndërprerje të mëdha dhe vonesa të fluturimeve priten gjithashtu në aeroportet e Berlinit, Këlnit, Bonit dhe Dyseldorfit, duke shtuar kaosin e udhëtimeve gjatë periudhës së valës së pushimeve.
Më shumë se 134 mijë pasagjerë do të preken nga anulimet e fluturimeve, njofton Lufthansa.
Sindikata "Ver.di" po kërkon rritje pagash prej 9.5 për qind për t'ua lehtësuar punonjësve përballjen me inflacionin.
Raundi i radhës i negociatave për pagat pritet të zhvillohet javën e ardhshme në Frankfurt.
27 Kor 2022
Lufthansa anulon një mijë fluturime, shkak protesta e personelit mbi pagat
Greva njëditore, e cila filloi në orën 03:45 të mëngjesit sipas kohës lokale ka detyruar kompaninë gjermane të anulojë pothuajse të gjitha fluturimet nga aeroportet e Frankfurtit dhe Mynihut
AA
Lajme të ngjashme
Artikujt në këtë kategori
Çfarë tjetër do të donit të dinit?
Popullore
