Në një mesazh inkurajues, presidenti i Francës, Emmanuel Macron, paralajmëroi popullin francez që të jetë i përgatitur për "sakrifica" pasi vendi po përballet me "fundin e bollëkut" pas krizave të njëpasnjëshme.
"Ajo që po kalojmë është një ndryshim i madh, një përmbysje e madhe", tha Macron gjatë takimit të kabinetit në Pallatin Elysee pas pushimit trejavor. Ai përmendi "krizat e njëpasnjëshme serioze" nga destabiliteti i shkaktuar nga lufta në Ukrainë deri te efektet shqetësuese të ndryshimeve klimatike, duke përfshirë thatësirën e paprecedentë që ka kapluar të gjithë vendin.
Macron shtoi se Franca tani përballet me një "fund të bollëkut", i cili ishte i dukshëm që nga fillimi i pandemisë COVID-19 në fillim të vitit 2020, në aspektin e financave publike, mungesave të materialeve të caktuara dhe avarisë në zinxhirin e furnizimit.
Mes tjerash ai i paralajmëroi francezët se ata mund të përballen me pasojat.
"Liria jonë ka një kosto, dhe ndonjëherë kur duhet mbrojtur, mund të nënkuptojë sakrifica", tha presidenti francez.
Macron u kërkoi gjithashtu anëtarëve të qeverisë së tij që të veprojnë me seriozitet dhe besueshmëri ndërsa trajtojnë krizën dhe "të mos dorëzohen para demagogjisë", duke iu referuar në mënyrë të qartë faktit se si shoqëria shpesh ia hedh fajin të huajve dhe pakicave në kohë të vështira.
24 Gus 2022
Macron: Franca po përballet me "fundin e bollëkut"
Presidenti francez paralajmëroi qytetarët që mund të përballen me pasojat e krizës nga pandemia dhe lufta në Ukrainë.
AA
Lajme të ngjashme
Qytetarët e nëntë shteteve të BE-së shënuan rënie të të hyrave
Pandemia e COVID-19 ndikoi në kushtet e jetesës në BE. Përveç ndryshimeve në të ardhura, ndryshime të tjera u përjetuan në arsim dhe në kushtet e punës, shëndetin/mirëqenien mendore të njerëzve dhe kushtet e përgjithshme të kujdesit shëndetësor.
Artikujt në këtë kategori
GOP-i kërcënon se do të përdorë Gardën Kombëtare ndaj protestave studentore
Protestat propalestineze vazhdojnë të trondisin universitetet amerikane, duke e detyruar Shtëpinë e Bardhë të përsërisë qëndrimin e Bidenit për lirinë e fjalës, por gjithashtu duke nxitur sugjerime se trupat e Gardës Kombëtare mund të futen brenda.
Çfarë tjetër do të donit të dinit?
Popullore
