Mbreti Charles III të premten pranoi "aspektet e dhimbshme" të sundimit kolonial britanik mes thirrjeve për dëmshpërblime të skllavërisë.
Kjo erdhi gjatë një fjalimi drejtuar liderëve dhe përfaqësuesve të 56 kombeve të Komonuelthit në një samit në vendin e Samoas të Paqësorit.
Në një referencë të fshehtë për skllavërinë e kaluar nëpër Azi, Afrikë dhe Karaibe gjatë sundimit kolonial britanik, Charles tha: "Kohezioni ynë kërkon që ne të pranojmë se nga kemi ardhur".
"Unë e kuptoj nga historitë e njerëzve në gjithë Commonwealth-in se si aspektet më të dhimbshme të së kaluarës sonë vazhdojnë të rezonojnë," tha ai në mbledhje me krerët e qeverisë së Commonwealth-it (CHOGM).
“Është jetike, pra, që ne të kuptojmë historinë tonë, për të na udhëhequr drejt bërjes së zgjedhjeve të duhura në të ardhmen ku ekziston pabarazia,” tha Charles.
Duke bërë thirrje për përqafimin e gjuhës së komunitetit dhe respektit, Charles tha: "Askush prej nesh nuk mund ta ndryshojë të kaluarën, por ne mund të angazhohemi me gjithë zemër për t'i mësuar mësimet e saj."
Kryeministri britanik Keir Starmer si dhe homologu i tij australian Anthony Albanese ishin mes pjesëmarrësve.
Pavarësisht një shtytjeje për "dialog të vërtetë" mbi dëmshpërblimet e skllavërisë nga MB-ja, Starmer ka përjashtuar një falje zyrtare si dhe kompensim financiar për skllavërinë.
Gjatë fundjavës, CHOGM-ja pritet të “vërë në dukje” në komunikatën e saj të përbashkët thirrjet për “diskutime mbi drejtësinë riparuese”.
Shqetësimet në lidhje me ndikimin e ndryshimeve klimatike kryesuan takimin e CHOGM-së në kryeqytetin e Samoas, Apia.
