Organizata Kombëtare e Inteligjencës së Türkiyes (MIT) ka shkatërruar 12 kamionë të ngarkuar me raketa, armë të rënda dhe municion, dy tanke dhe dy depo municionesh që organizata terroriste PKK/YPG kishte konfiskuar nga regjimi i Assadit në rajonin sirian të Qamishlit.
Sipas burimeve të sigurisë, MIT-i ka përcaktuar se organizata terroriste PKK/YPG ka filluar t'i lëvizë raketat, armët e rënda dhe municionet e mbetura nga regjimi i Bashar al-Assad në magazinat e saj.
MIT-i zbuloi se terroristët përfituan nga errësira, ngarkuan armë dhe municione në kamionë dhe u larguan nga rajoni në formën e një autokolone, pas së cilës filloi operacioni.
Në aksionin e MIT-it në Qamishli janë shkatërruar gjithsej 12 kamionë të ngarkuar me raketa, armë të rënda dhe municione, dy tanke dhe dy depo municionesh.
Burimet e sigurisë thanë se lufta kundër organizatës terroriste që po grupohet në kufirin turk dhe po përpiqet të vazhdojë të përbëjë kërcënim për Türkiyen vazhdon.
Qamishli është një qytet në Sirinë verilindore në kufi me Türkiyen, në kufi me qytetin turk të Nusaybin.
Pas rënies së regjimit të Asadit, PKK/YPG-ja terroriste kërkon të përfitojë nga situata e paqartë e sigurisë dhe vakumi i pushtetit.
PKK-ja është një organizatë terroriste separatiste që renditet si grup terrorist në Türkiye, Bashkimin Evropian dhe Shtetet e Bashkuara të Amerikës (ShBA). Gjatë fushatës terroriste dhjetëvjeçare kundër Türkiyes, terroristët e PKK-së kanë vrarë të paktën 40.000 njerëz.
YPG-ja është dega e PKK-së në Siri, një zonë ku grupi është përpjekur prej vitesh të krijojë një korridor terrorist përgjatë kufirit turk.
Vitet e fundit, Türkiye ka dislokuar trupa dhe ka punuar me aleatët lokalë si Ushtria Kombëtare Siriane opozitare për ta parandaluar këtë dhe për të mbrojtur popullsinë vendase nga shtypja terroriste.
