Presidenti aktual i Venezuelës, Nicolas Maduro, të diellën është shpallur fitues i zgjedhjeve presidenciale në atë vend, ka bërë të ditur presidenti i Këshillit Kombëtar Zgjedhor të Venezuelës (CNE), Elvis Amoroso.
Amoroso njoftoi të dielën vonë se 80 për qind e votave ishin numëruar dhe shpalli Maduron, kandidatin e Gran Polo Patriotico, fitues i zgjedhjeve presidenciale me dhjetë kandidatë.
Sipas rezultateve fillestare, Maduro fitoi 51.2 për qind të votave, duke siguruar fitoren e tij të tretë elektorale.
Kandidati i Platformës së Bashkuar Demokratike (PUD) të koalicionit opozitar, Edmundo Gonzalez Urrutia, fitoi vendin e dytë me 44.2 për qind të votave.
Amoroso tha se rezultatet e detajuara të zgjedhjeve do të postohen në faqen e internetit të CNE në orët në vijim.
Ndërkohë është konstatuar se pjesëmarrja në votime ishte 59 për qind.
Kandidati fitues do të betohet si president më 10 janar 2024
