Të paktën 27 palestinezë janë vrarë në sulmet izraelite në Rripin e Gazës në 24 orët e fundit, duke e çuar numrin e përgjithshëm të të vrarëve që nga viti i kaluar në 43.341, njoftoi të dielën Ministria e Shëndetësisë në enklavë.
Në deklaratën e Ministrisë shtohet se rreth 102.105 persona janë plagosur në sulmet që po vazhdojnë.
“Forcat izraelite në 24 orët e fundit në katër masakra kanë vrarë 27 dhe plagosur 86 njerëz,” njoftoi Ministria.
Shumë njerëz janë ende të bllokuar nën rrënoja dhe nëpër rrugë, pasi ekipet e shpëtimit nuk mund të arrijnë tek ata.
Duke shkelur rezolutën e Këshillit të Sigurimit të OKB-së që kërkon një armëpushim të menjëhershëm, Izraeli ka vazhduar ofensivën brutale në Rripin e Gazës që nga sulmi i grupit palestinez Hamas më 7 tetor 2023.
Sulmet izraelite kanë zhvendosur pothuajse gjithë popullsinë e territorit gjatë bllokadës së vazhdueshme që ka çuar në mungesa të rënda të ushqimit, ujit të pastër dhe ilaçeve.
Izraeli përballet me akuza për gjenocid në Gjykatën Ndërkombëtare të Drejtësisë.
