Një video publikuar së fundmi tregon ushtarët izraelitë që sulmojnë seksualisht një të burgosur palestinez nga Gaza në kampin famëkeq izraelit të paraburgimit, Sde Teiman.
Pamjet nga kamerat e vëzhgimit, të transmetuara nga Channel 12 izraelit, tregojnë një grup ushtarësh rezervistë izraelitë që zgjedhin një të arrestuar nga më shumë se 30 të tjerë, të cilët janë të gjithë të shtrirë në tokë me sy të lidhur.
Më pas i arrestuari dërgohet në një cep.
“Është e qartë se ata dinë për kamerat e vëzhgimit dhe përpiqen të fshehin aktin e tyre me mburoja”, thuhet në raport. Videoja përmban një dokumentacion për krimin e rezervistëve: akti i sodomisë në këto rrethana”.
Në raport thuhet se i arrestuari kishte gjakderdhje dhe u dërgua në spital pas disa orësh, ku gjendja e tij u cilësua si “komplekse”.
“Plagosja u shkaktua nga futja e një objekti”, tha kanali, duke cituar një raport mjekësor.
Pas arrestimit të nëntë ushtarëve për kryerjen e aktit më 29 korrik, protestuesit izraelitë të krahut të djathtë, përfshirë politikanë, hynë në dy baza ushtarake në Izraelin jugor dhe qendror.
Prokuroria ushtarake izraelite pretendon se është ende duke hetuar incidentin, por nuk ka ngritur asnjë akuzë kundër të akuzuarit.
Në muajt e fundit, raporte të shumta janë shfaqur për abuzim masiv të të burgosurve palestinezë nga Gaza në burgun Sde Teiman në shkretëtirën Negev, në jug të Izraelit.
Autoritetet izraelite shpesh pretendojnë të hetojnë incidentet, por rezultate të prekshme shihen rrallë.
Izraeli ka vrarë rreth 40.000 palestinezë në Gaza që nga 7 tetori dhe akuzohet për gjenocid në Gjykatën Ndërkombëtare të Drejtësisë për fushatën e tij ushtarake.
