Presidenti rus Vlladimir Putin ka realizuar një udhëtim të papritur në rajonet ukrainase Luhansk dhe Kherson, njoftoi Kremlini.
Putin vizitoi shtabin e grupit të ushtrisë "Dnepr" për të diskutuar situatën në rajonet Kherson dhe Zaporizhzhia, sipas një deklarate të Kremlinit.
Ai gjithashtu takoi oficerë të lartë në shtabin e "Gardës Kombëtare të Vostokut" në Luhansk, shtohet në deklaratë.
Shtatorin e kaluar, rajonet separatiste të Ukrainës Donetsk dhe Luhansk dhe pjesët e Zaporizhzhia dhe Kherson të kontrolluara nga Rusia mbajtën referendume për bashkimin me Rusinë.
Moska që atëherë i shpalli këto si pjesë të Rusisë, ky vendim u refuzua nga Ukraina dhe komuniteti ndërkombëtar.
Vizita e fundit e Putinit vjen një muaj pasi ai vizitoi qytetin Mariupol në Donetsk, që ishte vizita e parë e tij në rajonet e kontrolluara nga Rusia në Ukrainë që nga fillimi i luftës në shkurt të vitit të kaluar.
