Presidenti rus Vladimir Putin nesër do të marrë pjesë në një ceremoni që do të mbahet në Moskë për bashkimin e rajoneve të shkëputura të Ukrainës me Rusinë.
Duke folur për gazetarët në një konferencë për media në Moskë, zëdhënësi i Kremlinit Dmitry Peskov tha se Putin do të takohet me autoritetet e rajoneve separatiste të Ukrainës: Donetsk, Luhansk, Kherson dhe Zaporizhzhia, si dhe do të nënshkruajë marrëveshjet për bashkimin me Rusinë, që do të pasohet nga një ceremoni.
Peskov tha se ceremonia do të zhvillohet në Kremlin në orën 15:00 sipas kohës lokale, ndërsa marrëveshjet do të nënshkruhen me të katër territoret ku u mbajtën referendumet.
Ministria e Jashtme e Rusisë dje në një deklaratë tha se mbi 98 për qind e votuesve votuan për t'u bashkuar me Rusinë pas referendumeve në Donetsk, Luhansk, Kherson dhe Zaporizhzhia.
Votat janë dënuar gjerësisht nga komuniteti ndërkombëtar, ndërsa shtetet evropiane dhe SHBA i quajtën ato "të rreme" dhe thanë se nuk do të njihen.
29 Sht 2022
Putin nesër nënshkruan aneksimin e katër rajoneve të Ukrainës
Në afërsi të Katedrales së Shën Vasilit në Sheshin e Kuq në Moskë është ngritur një skenë me ekrane të mëdha video, me billborde ku shkruhej "Donetsk, Luhansk, Zaporozhzhia, Kherson - Rusia".
TRT Balkan / agjencitë
Lajme të ngjashme
Artikujt në këtë kategori
ShBA-ja: Policia arreston 93 studentë në protestat propalestineze
Në Universitetin e Kalifornisë Jugore (USC), gjatë protestave propalestineze, policia ndërhyri dhe arrestoi numër të madh studentësh që protestuan kundër Izraelit, protestë kjo që u përhap edhe në universitete të tjera në shtete të ndryshme të botës.
Belgjika reagon ndaj vrasjes së punëtorit belg në Rafah
"Bombardimi i zonave dhe popullsive civile është kundër ligjit ndërkombëtar. Do të thërras ambasadorin izraelit për të dënuar këtë veprim të papranueshëm dhe për të kërkuar shpjegim", tha Ministrja e Punëve të Jashtme të Belgjikës, Hadja Lahbib.
Çfarë tjetër do të donit të dinit?
Popullore