Ministria ruse e Mbrojtjes tha se Ukraina kreu një sulm me mjet ajror pa pilot (UAV) në objektet në kryeqytetin Moskë dhe në rrethinën e tij.
"Regjimi i Kievit kreu një tjetër sulm terrorist duke përdorur dron rreth orës 04:00 me orën e Moskës më 18 gusht, ndaj objekteve në Moskë dhe rajonin e Moskës. Pasi u godit nga automjetet e sistemit të mbrojtjes ajrore, droni ndryshoi rrotacionin e fluturimit dhe u ul në një ndërtesë jorezidenciale pranë Krasnopresnenskayas në Moskë", thuhet në një komunikatë të ministrisë së Mbrojtjes të Rusisë.
Në komunikatë sqarohet se nga ngjarja nuk ka pasur viktima dhe nuk është shkaktuar zjarr.
Kryebashkiaku i Moskës, Sergey Sobyanin, gjithashtu postoi në llogarinë e tij në rrjetet sociale se një pjesë e dronit ra në zonën ku ndodhet Expocenter në Moskë dhe nuk shkaktoi ndonjë dëm të konsiderueshëm në ndërtesë.
Sobyanin deklaroi se, sipas njoftimeve fillestare, nga incidenti nuk ka pasur të lënduar.
Ministria ruse e Mbrojtjes më herët njoftoi se një mjet detar i telekomanduar që i përkiste ushtrisë ukrainase bëri përpjekje të pasuksesshme për të sulmuar anijet luftarake ruse në Detin e Zi.
