Raportohet se ushtria izraelite shkatërroi xhaminë "Abu Bakr Siddiq" në kampin e refugjatëve Al-Faria në qytetin Tubas në veri të Bregut Perëndimor të pushtuar.
Sipas agjencisë palestineze të lajmeve WAFA, ushtria izraelite që nga mëngjesi i së mërkurës ka vazhduar sulmet e saj në qytetin Tubas.
Ushtria izraelite, e cila sulmoi qytetin e Tubas në veri të Bregut Perëndimor të pushtuar, shpërtheu infrastrukturën nën xhaminë "Abu Bakr Siddiq" në kampin e refugjatëve Al-Faria.
Pas shpërthimit, në xhami ka rënë zjarr. Shkalla e shkatërrimit në xhami nuk dihet saktësisht, sepse ushtria izraelite, e cila e mban rajonin nën një bllokadë të ngushtë, kufizon kalimet në kamp.
Ndërkohë që ushtria izraelite vazhdon të shkaktojë dëme të mëdha në infrastrukturën dhe pronën private të qytetarëve në kampin e refugjatëve Al-Faria, ajo po rrit praninë e saj ushtarake në kamp. Ushtarët izraelitë bastisin shtëpi, sulmojnë dhe arrestojnë qytetarët palestinezë.
