Rusia po përgatit sulme të reja raketore, tha presidenti i Ukrainës, Volodymyr Zelenskyy.
Në një video-mesazh në Telegram, Zelenskyy theksoi se Rusia nuk do të ndalet për sa kohë që ka raketa.
"Java e ardhshme mund të jetë po aq e vështirë sa ajo që ka kaluar. Forcat tona të mbrojtjes po përgatiten. I gjithë shteti po përgatitet", shtoi ai.
Duke thënë se ata kanë përpunuar të gjithë skenarët, duke përfshirë edhe partnerët e tyre, Zelenskyy i bëri thirrje ukrainasve që t’u kushtojë vëmendje alarmeve gjatë javës.
"Situata në front mbetet shumë e vështirë. Dhe mbi të gjitha në rajonin e Donetskut, si në javët e kaluara", tha ai, duke shtuar se "Rusia po e përdor të ftohtin kundër njerëzve".
Duke përsëritur se do të bëjnë gjithçka për ta mbajtur Rusinë përgjegjëse për luftën e saj në Ukrainë, Zelenskyy nënvizoi se javën e ardhshme do të ketë "hapa të rinj të rëndësishëm" në këtë drejtim, duke mos dhënë detaje.
28 Nën 2022
Zelenskyy: Rusia po përgatit sulme të reja
Java e ardhshme sipas presidentit të Ukrainës, Volodymyr Zelenskyy pritet të jetë po aq e vështirë sa ajo që ka kaluar.
TRT Balkan / agjencitë
Lajme të ngjashme
Artikujt në këtë kategori
Pse fitorja e Trumpit mund të ndikojë pozitivisht në tregjet financiare?
Bitcoin dhe aksionet po fluturojnë pas zgjedhjeve në ShBA, duke regjistruar nivele të larta të performancës. Por, çfarë është ajo që e ka bërë fitoren e Trumpit të perceptohet si një mundësi pozitive për ekonominë dhe tregjet financiare?
Çfarë tjetër do të donit të dinit?
Popullore
