Aktori i njohur amerikan Leonardo Di Caprio, një nga aktivistët më të njohur për mbrojtjen e lumit Vjosë ka reaguar pas shpalljes së lumit Vjosa, Park Kombëtar.
Në një postim në rrjetet sociale, Di Caprio e ka cilësuar historike këtë moment ndërsa ka përshëndetur vendimin e marrë nga qeveria e Shqipërisë.
Ai thekson se bashkëpunimi mes qeverisë shqiptare, shoqërisë civile dhe bizneseve ka krijuar Parkun e parë Kombëtar të Lumit të Egër në Evropë.
“Lumi Vjosa do të rrjedhë i lirë përgjithmonë, nga burimi në det, për ta shijuar brezat e ardhshëm. Tani ka një vizion të ri për ruajtjen globale të lumit. Urime për të gjithë ata që e bënë realitet këtë përpjekje të mahnitshme”, shkruan Di Caprio.
Aktori amerikan është ambasador i Organizatës për Konservimin e Mjedisit, Rewild.
