Në Akademinë e Shkencave dhe të Arteve të Kosovës u mbajt konferenca shkencore e përbashkët me temën “Zhvillimi i konstitucionalizmit shqiptar 1912-2024”. Konferenca u organizua në bashkëpunim me Akademinë e Shkencave të Shqipërisë ku morën pjesë akademikë nga të dyja akademitë.
Nga AShSh-ja morën pjesë Aurela Anastasi, Kosta Bajraba dhe Ksenofon Krisafi.
Akademikja Aurela Anastasi, një nga organizatoret e kësaj konference, mbajti kumtesën me titull: “Kontrolli kushtetues në shtetin shqiptar të pavarur deri në rënien e regjimit monist”.
Përmes këtij studimi akademikja evidentoi zhvillimet e konstitucionalizmit në vitet 1920-24 dhe ndikimin në zhvillimet e mëtejshme. Ajo analizoi evolucionin historiko-juridik të parimit të Konstitucionalizmit duke theksuar rëndësinë e kontrollit kushtetues në zhvillimet e vendit.
Duke u bazuar në dokumente arkivore të reja, punimi arrin në gjetje e konkluzione të rëndësishme për zhvillimin e kësaj fushe.
Për herë të parë paraqitet një periodizim i zhvillimit të kontrollit kushtetues në Shqipëri bazuar në modelet ndërkombëtare në të cilën u shqyrtua kontrolli paraprak i kushtetutshmërisë së normave dhe roli i Këshillit të Shtetit (1929-1944) si organ kushtetues që kreu këtë kontroll.
Më tej, diskutimet u shtruan për gjetjet mbi përpjekjet e Gjykatës së Diktimit, për të ushtruar kontroll gjyqësor të kushtetutshmërisë ku në të njëjtën kohë u analizat u fokusuan në perspektivat e ndikimit të ndërsjellë të doktrinës me kontrollin kushtetues.
Ky takim akademik u shënua për kontributin e tij në studimin dhe mbrojtjen e institucioneve kushtetuese në historinë e Shqipërisë.
