Bad News Eagles janë kryefjala e Kosovës prej mbrëmjes së djeshme. Djelmoshat nga Kosova po kalojnë një formë fantastike në turneun më të madh në botë të video lojës së famshme CS:GO në Rio de Janeiro të Brazilit.
“Gejmerët” shqiptarë arritën të bëjnë mrekullinë duke eliminuar skuadrën kampione në fuqi dhe favorite të këtij sporti, Faze.
Suksesit të tyre po i gëzohet çdo shqiptar nga Kosova dhe më gjerë, mirëpo jo shumë e dinë historinë e këtyre djelmoshave se si arritën majat e suksesit.
E nisur si një lojë qejfi nëpër internet kafene, e për t'u shndërruar në hobi e pasion, ata sot të përfaqësojnë Kosovën në turnetë më të mëdha botërore.
Kryministri Kurti i quajti “lajm i keq” për kundërshtarët
Jo më larg se para 1 javësh, kryeministri i Kosovës Albin Kurti kishte reaguar pas fitores së parë të ekipit kosovar në fazën e kualifikimit të tyre në Rio de Janeiro.
Ai madje thumboi kundërshtarët, pasi tha se për ta, Bad News Eagles janë veç Bad News (lajm i keq).
“Pas suksesit në Majorin e fundit në Antwerp dhe kualifikimit tani në Rio de Janiero, sot filluan garën e tyre të parë, ku shkëlqyen me fitore 16:3, ndaj ekipit brazilian 00Nation”, kishte shkruar Kurti.
Renditja botërore
Ekipi shqiptar Bad News Eagles renditet në vendin e 24–të në ranglistën botërore të CS:GO, dhe i duhen dy fitore të tjera për të kaluar në fazën tjetër të turneut “IEM Rio Major”.
7 Nën 2022
Bad News Eagles, shqiptarët e Kosovës që shkruan historinë në CS:GO
E nisur si një lojë qejfi nëpër internet kafene, e për t'u shndërruar në hobi e pasion, ata sot të përfaqësojnë Kosovën në turnetë më të mëdha botërore.
TRT Balkan
Lajme të ngjashme
Kosova: KE-ja arriti pajtim për mandatin negociues për udhëtimin pa viza
Kosova sipas KE-së ka bërë progres tejet të rëndësishëm në të gjitha stacionet e kushteve për liberalizmin e vizave përfshirë edhe fushat e sigurisë së dokumenteve, kufijve, migrimit, rendit publik, dhe të drejtatlidhur me lirin e lëvizjes.
Borxhi i jashtëm: Kosova më së miri, keq në Mal të Zi e Maqedoni të Veriut
Borxhi i jashtëm i Malit të Zi e kalon, ndërsa i Maqedonisë së Veriut i afrohet nivelit kritik prej 60% në raport me Prodhimin Bruto Vendor, pa përfshirë borxhin e brendshëm. Kosova, nga ana tjetër, ka më së paku borxhe në rajon.
Shpërndahen 500 plisa falas në “Festivalin e Plisit”
Në kuadër të shënimit të 110 vjetorit të Ditës së Flamurit dhe Pavarësisë së Shqipërisë në sheshin e Prishtinës sot është zhvilluar edicioni i parë i Festivalit të Plisit, i cili synon t’i lidhë të rinjtë me trashëgiminë e tyre kulturore - plisin.
Artikujt në këtë kategori
Çfarë tjetër do të donit të dinit?
Popullore
