Qytetarët e BE-së nga sot e deri më 9 qershor do të votojnë për të zgjedhur përfaqësuesit e tyre në Parlamentin Evropian (PE) për një mandat pesëvjeçar.
Estonezët ishin të parët që dolën në kutitë e votimit më 3 qershor, me votim të hapur deri më 9 qershor.
Holandezët e pasuan të enjten. Qendrat e votimit u hapën në orën 07:30 lokale dhe votuesit kanë kohë deri në orën 21:00 për të votuar.
Irlandezët dhe çekët do të fillojnë të votojnë më 7 qershor. Çekia do të vazhdojë të votojë më 8 qershor.
Malta, Letonia, Sllovakia dhe Italia do të votojnë më 8 qershor, ndërsa Italia ka dy ditë për të votuar. Pjesa tjetër e Evropës -- Austria, Belgjika, Bullgaria, Kroacia, Danimarka, Finlanda, Franca, Gjermania, Greqia, Administrata Qipros Greke, Hungaria, Lituania, Luksemburgu, Portugalia, Polonia, Rumania, Sllovenia, Spanja dhe Suedia do të dalin në kutitë e votimit të dielën, më 9 qershor.
Miliona në gjithë BE-në do të votojnë 6-9 qershor për përfaqësuesit e tyre në PE, organi i vetëm i zgjedhur drejtpërdrejt i bllokut dhe legjislatura e vetme transnacionale e zgjedhur drejtpërdrejt në botë.
Gjithsej 720 deputet, ose eurodeputetë, do të zgjidhen për një mandat pesë-vjeçar, të cilët më pas do të zgjedhin një president të PE-së, një post që aktualisht mbahet nga Roberta Metsola.
