Pikëpamjet rreth mjekësisë ndryshojnë shumë në mbarë botën.
Fatkeqësisht, metodat klasike të shërimit të disa tipave të sëmundjeve jo rrallë janë të suksesshme. Në situata të tilla njerëzit shpesh kërkojnë ndihmë te mjekësia alternative.
Shumë mjekësi alternative sot janë pranuar nga mjekët të cilët merren me mjekësinë klasike, andaj ajo në shumë shtete shpesh aplikohet edhe në shërim spitalor.
Në cilat vende aplikohet mjekësia alternative
Siç tregojnë të dhënat nga Statista's Consumer Insights, një pjesë më e madhe e të anketuarve urbanë në Vietnam (25 për qind), Türkiye (23 për qind), Kinë (22 për qind), ShBA (21 për qind) do të zgjidhnin metoda alternative të shërimit në vend të mjekësisë konvencionale.
Ndër vendet e tjera që ishin më pak të hapura ndaj formave të mjekësisë alternative janë Franca (19 për qind), Brazili 15 (për qind) dhe Britania e Madhe 11 (për qind).
Në Finlandë, për shembull, format alternative të mjekësisë janë shumë më pak të njohura, me vetëm 8 për qind e finlandezëve që do të përcaktoheshin për një mundësi të tillë.
Çka paraqet mjekësia alternative?
Termi “mjekësi alternative” nënkupton disa mënyra të shërimit ndër të cilat nuk përdoren ilaçet e prodhuara artificialisht, por as instrumentet kirurgjikale.
Ilaçet alternative përfshijnë, por nuk kufizohen vetëm në, praktika të tilla si masazhet, akupunktura, tai chi, ilaçet bimore dhe joga.
Sidoqoftë, efekti i mjekësisë komplementare është shumë i debatuar nga masa.
Ja disa pro dhe kundër terapive të mjekësisë alternative.
Argumentet pro mjekësisë alternative
Qasje holistike: Shumica e ilaçeve alternative marrin në konsideratë të gjitha simptomat si një dhe të vetme të shkaktarit, në vend të simptomave të sëmundjes. Ata përqendrohen në masat: trajtimi rrënjësor i gjendjes, jo i simptomave. Duke bërë kështu i tërë trupi është në shënjestër. Shumica e ilaçeve alternative përqendrohen në përkujdesje për gjithë trupin më parë se sa në pjesë të tij. Praktikuesit e mjekësisë alternative i drejtohen jo vetëm trupit fizik, por po ashtu shëndetit shpirtëror dhe emocional të pacientit.
Vëmendje secilit: Derisa ilaçet tradicionale janë të prodhuara masivisht për konsumim global, terapitë alternative janë të personalizuara t’u përgjigjen kërkesave të pacientit. Terapitë alternative nuk mund të prodhohen pasivisht, sepse parim i tyre është të përqendrohen në trupin e pacientit, i cili është unik për secilin.
Stres të zvogëluar: Stresi është një faktor thelbësor në dobësimin e imunitetit tuaj. Ilaçet moderne nuk e llogarisin stresin gjatë shërimit të një sëmundjeje. Stresin e llogarit si një pjesë dhe ndarje të jetës moderne dhe e injoron tërësisht. Terapitë alternative si joga dhe meditimi e identifikojnë stresin si një nga faktorët më të mëdhenj dhe përpiqen ta zvogëlojnë atë për të luftuar sëmundjet si shtypja e lartë e gjakut ose hipertensioni.
Më e lirë: Shumica e terapive alternative janë më të lira se ato konvencionale. Shumë terapi përdorin bimët për të trajtuar sëmundjet. Pasi bimët nuk kanë nevojë të përpunohen ose të hulumtohen për t’i zhvilluar, ato kushtojnë shumë më lirë dhe janë më të volitshme.
Më pak dëme: Antibiotikët nuk mund të bëjnë dallim mes viruseve dhe baktereve që shkaktojnë dëme dhe asaj çka është e dobishme për trupin tuaj. Si pasojë, ato zhdukin florën dhe faunën “miqësore” bashkë me bakterin ose virusin, e kështu i shkaktojnë trupit dëm në një afat më të gjatë.
Argumentet kundër mjekësisë alternative
Kohë e gjatë për shërim: Meqë shumica e terapive alternative veprojnë në çrrënjosjen e sëmundjes, ato nuk ofrojnë një shërim të shpejtë. Kështu që, nëse jeni duke kërkuar një zgjidhje të përkohshme, mjekësia konvencionale është shumë më e mirë.
Kërkon dedikim nga përdoruesi: Ilaçet konvencionale kryesisht janë tableta të cilat vetëm duhet futur në gojë. Ndërsa ilaçet alternative kërkojnë shumë ndryshime në stilin e jetës, në mënyrë që terapia të funksionojë. Ato kërkojnë përkushtim serioz dhe disiplinë nga ana e përdoruesit për të pasur efekt në të.
Hulumtime të kufizuara: Për shkak të vëmendjes, shumë ilaçe alternative tash janë testuar në mënyrë shkencore dhe janë dëshmuar si efektive. Megjithatë, një pjesë e madhe e këtyre ilaçeve nuk janë testuar shkencërisht dhe nuk janë aprovuar nga ndonjë qeveri ose trup qeverisës.
