Krahu i armatosur i Hamasit, Brigadat Kassam, njoftuan se në 48 orët e fundit kanë vrarë 40 ushtarë izraelitë dhe kanë shkatërruar 44 automjete ushtarake.
Nga llogaria Telegram e Brigadave Kassam u bë një deklaratë ku thuhet se "Në të gjitha frontet e konflikteve në Rripin e Gazës kemi shkatërruar 44 automjete ushtarake gjatë 48 orëve të fundit".
Po ashtu, në njoftim theksohet se "Kemi vrarë 40 ushtarë izraelitë dhe kemi plagosur dhjetëra të tjerë në veprimet ku janë shënjestruar forcat izraelite që kanë hyrë në Rripin e Gazës nga toka".
Ndër të tjerash, ata informojnë se "përmes kurtheve janë hedhur në erë shumë ndërtesa, është shënjestruar qendra e komandës tokësore e forcave izraelite si dhe janë shënjestruar me mortaja dhe raketa të distancës së shkurtër zonat e grumbullimit të ushtarëve izraelitë".
Izraeli ende nuk ka bërë koment lidhur me këtë komunikatë të Hamasit.
