Presidenti bullgar Rumen Radev falënderoi Türkiyen për mbështetjen e saj në vënien nën kontroll të zjarreve në vendin e tij.
“Mirënjohje e sinqertë për presidentin (Recep Tayyip) Erdoğan për mbështetjen në kohë të Republikës së Türkiyes dhe zjarrfikësve të guximshëm turq në luftën kundër zjarreve shkatërruese në Bullgari”, shkroi Radev në X.
Një zjarr shpërtheu më 13 korrik në rajonin e Svilengradit të Bullgarisë, 6 kilometra nga kufiri me Türkiyen. Zjarri u përhap në Mlladinovo dhe Mihalic në jug në dy ditët në vijim, duke djegur dhjetëra mijëra hektarë pyje dhe tokë bujqësore. Türkiye ndihmoi fqinjin e saj me përpjekjet për shuarjen e zjarreve.
Brigada bullgare e zjarrit dhe zyrtarët e mbrojtjes civile raportuan më shumë se 200 zjarre në gjithë vendin ditët e fundit.
