Presidenti turk, Recep Tayyip Erdoğan, ka deklaruar se Izraeli tani po shkon drejt izolimit ndërkombëtar, një trend i cili vetëm do të rritet në ditët në vijim.
Duke folur me gazetarët pas namazit të xhumasë në Istanbul, presidenti Erdoğan njoftoi se gjatë një bisede telefonike dje me homologun e tij amerikan, Joe Biden, ata diskutuan gjerësisht zhvillimet në Gaza dhe se ai i tha presidentit amerikan se tani është koha që SHBA-ja të ndërhyjë.
Izraeli ka bombarduar Rripin e Gazës nga ajri dhe toka, ka vendosur një rrethim dhe ka kryer një ofensivë tokësore pas sulmit ndërkufitar nga Hamasi më 7 tetor.
Sipas autoriteteve shëndetësore të Gazës të paktën 18.787 palestinezë janë vrarë që atëherë dhe rreth 51 mijë janë plagosur nga sulmet izraelite.
Lidhur me shitjen e SHBA-së të avionëve F-16 Türkiyes, presidenti Erdoğan tha se Biden i tha atij se ai ka një “perspektivë pozitive” për këtë çështje dhe është gati të paraqesë propozimin e tij në Kongresin Amerikan.
Pas një procesi të stërzgjatur për të blerë modelin më të fundit të F-16-tës dhe pajisjeve të përmirësimit për modelet më të vjetra, Erdoğan ka sugjeruar që Türkiye dhe ShBA-ja të miratojnë në të njëjtën kohë shitjen e F-16-tës dhe aplikimin e Suedisë për anëtarësim në NATO.
