Rama u takua me shefin e NATO-s në Bruksel             / Foto: FB: Edi Rama

Kryeministri i Shqipërisë Edi Rama gjatë qëndrimit në Bruksel u takua dje me Mark Rutte, Sekretar i Përgjithshëm i NATO-s.

Në një postim në rrjetet sociale Rama publikoi një foto me Rutte në selinë e NATO-s, të cilin e cilësoi “një mbështetës të paepur të Shqipërisë”.

“Me mikun e veçantë dhe tanimë mbështetësin e paepur të Shqipërisë, Mark Rutte, në takimin e parë me të si Sekretar i Përgjithshëm të NATO-s, pas 14 vjetësh në krye të qeverisë holandeze”, shkruan Rama.

Kryeministri Edi Rama mori pjesë dje në Bruksel në Konferencën e Tretë Ndërqeveritare me Bashkimin Evropian, kurse sot do të zhvillohet takimi BE-Ballkani Perëndimor.

TRT Balkan / agjencitë