Sipas të dhënave të publikuara nga Instituti i Statistikave i Türkiyes (TurkStat), shkalla e papunësisë në gusht ra për 0,3 pikë, duke arritur në 8,5 për qind.
Numri i individëve të papunë të moshës mbi 15 vjeç ra për 89 mijë dhe tani qëndron në 3.055.000. Krahasuar me gushtin e vitit të kaluar, shkalla e papunësisë ra për 0,7 pikë, sipas të dhënave të TurkStatit.
Shkalla e papunësisë për meshkujt u vlerësua të ishte 7 për qind, ndërsa për femrat ishte 11,4 për qind.
Papunësia tek të rinjtë e moshës 15-24 vjeç u rrit lehtë duke arritur në 16,5 për qind.
Shifrat e punësimit treguan përmirësim, ku numri i individëve të punësuar u rrit për 78 mijë dhe arriti në 32.776.000 në gusht.
Shkalla e punësimit u rrit me 0,1 pikë në 49,7 për qind, ndërsa pjesëmarrja e fuqisë punëtore ra lehtë në 54,3 për qind.
