Türkiye dhe Maqedonia e Veriut ndajnë disa pikëpamje të përbashkëta për çështjet rajonale dhe globale, tha të enjten kryetari i parlamentit turk Numan Kurtulmuş.
Është domethënëse që Afrim Gashi zgjodhi të vizitojë Türkiyen fillimisht pas marrjes së detyrës, duke demonstruar rëndësinë që i kushton vendit, tha Kurtulmuş në një konferencë të përbashkët për shtyp me kryetarin e Kuvendit të Maqedonisë së Veriut pas takimit të tyre të përbashkët dhe në nivel delegacioni.
Gjatë një takimi, Kurtulmuş shprehu kënaqësinë për mirëseardhjen e Gashit dhe delegacionit të tij në parlamentin turk në Ankara.
Kurtulmuş shprehu shpresën se marrëdhëniet mes dy vendeve do të vazhdojnë të përmirësohen edhe në të ardhmen.
Ai theksoi gjithashtu ngjashmëritë historike dhe kulturore mes dy vendeve.
Prania e qytetarëve me prejardhje nga RMV-ja në Türkiye dhe me prejardhje turke në Maqedoninë e Veriut shërben si urë e fortë për bashkëpunim më të madh mes dy kombeve, tha Kurtulmuş.
