Si sot 59 vite më parë qyteti i Shkupit u zgjua nën ethet e dridhjeve të forta të tërmetit, me ç‘rast humbën jetën 1070 persona, ndërsa rreth 4 mijë të tjerë ngelën të lënduar.
Tërmeti katastrofal në Shkup ndodhi më 26 korrik të vitit 1963 në ora 5 e 17 minuta, edhe atë me fuqi prej 6 ballë sipas shkallës së Rihterit, ndërsa dridhje më të vogla kishte në vazhdimësi deri në ora 5 e 43 minuta.
Nga tërmeti u shkatërruan 15.800 ndërtesa dhe u dëmtuan 28.000 të tjera.
Poashtu mbi 200.000 persona ngelën pa kulm mbi kokë.
Me këtë tragjedi historike që i ndodhi Shkupit në shenjë solidarizimi u ngrit në këmbë e tërë bota, ndërsa të parët u vënë në ndihmë ushtria e shtetit.
Mobilizimi për ta ndihmuar Shkupin filloi me apel të Kryqit të Kuq Ndërkombëtar deri te të gjitha organizatat për sigurimin e ushqimit për fëmijë. Më tej Unioni implementar dërgoi rekomandim deri te të gjitha parlamentet dhe qeveritë që të ndihmojnë në rindërtimin e qytetit.
Në kohën kur ekipe profesioniste nga KB-ja filluan të vijnë në Shkup, në selinë e Organizatës ndërkombëtare është thënë se Shkupi do të jetë përmendore e solidaritetit njerëzor.
Rindërtimi i Shkupit
Më 23 shtator 1963, diku 35 shtete kërkuan nga Asambleja e Përgjithshme të vendos në rend dite të seancës së saj pikë për ndërmarjen e masave me rastin e tërmetit në Shkup.
Më 27 shtator, Asambleja e Përgjithshme i dha prioritet aksionit ndërkombëtar për t’i dhënë ndihmë Shkupit. Më 14 tetor, Kuvendi i Përgjithshëm i Kombeve të Bashkuara njëzëri miratoi rezolutën për t’i dhënë ndihmë qeverisë së atëhershme jugosllave gjatë rikonstruktimit të Shkupit.
Rindërtimi dhe zhvillimi i qytetit të Shkupit, pas 26 korrikut të vitit 1963, kryesisht është përqëndruar në anën e djathtë të lumit Vardar dhe lagjet periferike të saj. Nga ajo që mund të shihet sot e asaj dite shumë shtëpi dhe objekte pas tërmetit nuk u rindërtuan. Si pasojë e dëmeve që i shkaktoi tërmeti, autoritet e shtetërore të asaj kohe kishin vendosur rrënimin dhe jo revitalizimin e shumë objekteve kulturore.
Funksionimi i Postës
Ajo që krijon përshtypje gjatë periudhës së tërmetit në vitin 1963 është funksionimi i postës shtetërore. Ndonëse e rrënuar tërësisht, ajo asnjëherë nuk ndaloi me punën e saj, kështu duke qenë qendra kryesore e trafikut postar në Republikën e atëhershme Socialiste të Maqedonisë.
Jeta pas tërmetit në Shkup është zhvilluar kryesisht nëpër tenda të lagjeve ku dhe posta u përshtat shpejt me situatën duke hapur pikat e veta në vendbanimet e tendeve.
Në kuadër të kësaj dite, çdo vit më 26 korrik autoritetet shtetërore e kujtojnë këtë datë me ceremoni të ndryshme.
26 Kor 2022
Zhvillimi i Shkupit pas tërmetit të 63-tës
Shumë objekte historike dhe kulturore pas tërmetit katastrofal nuk i rindërtuan në Shkup
TRT Balkan / agjencitë
Lajme të ngjashme
Artikujt në këtë kategori
Kosova arrin vlerësimin e parë kreditor sovran në historinë e saj
Kryeministri i Kosovës, Albin Kurti, tha se qeveria që nga fillimi është përkujdesur për të ndërmarrë politika të qëndrueshme të cilat do të shërbenin si katalizatorë për rritjen ekonomike dhe pozicionimin makrofiskal të favorshëm të Kosovës.
Çfarë tjetër do të donit të dinit?
Popullore