Kompania e medias sociale Twitter ka ngritur padi ndaj Elon Musk, drejtuesit të lartë të Tesla-s dhe SpaceX lidhur me prishjen e marrëveshjes së blerjes prej 44 miliardë dollarësh.
Në një ankesë në gjykatën Delaware Chancery nga Twitter, thuhet se Musk ka refuzuar të përmbushë detyrimet e tij ndaj Twitterit dhe aksionerëve të saj, sepse marrëveshja që ai nënshkroi "nuk i shërben më interesave të tij personale".
Në kërkesën e ankesës theksohet se pretendimet e Musk për të prishur marrëveshjen janë "justifikime" dhe se "nuk kanë asnjë bazë".
"Që nga nënshkrimi i marrëveshjes së bashkimit, Musk duke përçmuar vazhdimisht Twitterin dhe marrëveshjen, ka shkaktuar rrezik tregtar dhe presion për rënien e çmimit të aksioneve të Twitter", thuhet në kërkesë.
Në marrëveshjen për blerjen e kompanisë së medias sociale Twitter, Musk më 8 korrik njoftoi prishjen e marrëveshjes duke treguar si arsye shkeljen e shumë dispozitave.
Avokatët e Musk, në njoftimin e bërë ndaj Komisionit të Letrave me Vlerë dhe Shkëmbime (SEC) thanë se Twitter-i nuk iu përgjigj ose ka refuzuar t‘iu përgjigjet kërkesave të shumta lidhur me llogaritë e padëshiruara (spam) dhe të rreme në platformë e cila është e rëndësishme për performancën e biznesit të kompanisë.
Në njoftim bëhet e ditur se "Twitter ka shkelur në mënyrë thelbësore shumë dispozita të marrëveshjes dhe ka bërë deklarata të gabuara dhe mashtruese".
Kreu i Bordit drejtues të Twitterit, Bret Taylor tha se është planifikuar të fillohen veprime ligjore për zbatimin e marrëveshjes pas vendimit të Musk për prishjen e marrëveshjes.
Në një postim nga llogaria e tij në median sociale, Taylor kishte deklaruar se "Bordi drejtues i Twitterit është i angazhuar që të plotësojë procesin për kushtet dhe çmimin e dakorduar me Musk dhe planifikon të ndërmarrë veprime ligjore për të zbatuar marrëveshjen e bashkimit".
Në një letër të dërguar nga avokati i Twitterit, William Savitt ndaj Mike Ringler avokatit të Musk thuhej se prishja e marrëveshjes nga Musk është i "pavlefshëm dhe i padrejtë" dhe se kjo nënkupton që janë refuzuar përgjegjësitë sipas marrëveshjes.
Në rast të mos plotësimit të procesit me vendimin e prishjes së marrëveshjes, në rendin e ditës erdhi kushti i marrëveshjes i cili nevojit që Musk duhet të paguajë 1 miliard dollarë.
Mosmarrëveshja mbi llogaritë 'spam' është bërë çështje e diskutueshme nëse është apo jo arsye e mjaftueshme që Musk të tërhiqet nga marrëveshja e blerjes.
13 Kor 2022
Twitter padit Elon Musk për prishjen e marrëveshjes së blerjes
Në marrëveshjen për blerjen e kompanisë së medias sociale Twitter, Musk më 8 korrik njoftoi prishjen e marrëveshjes duke treguar si arsye shkeljen e shumë dispozitave
AA
Lajme të ngjashme
Artikujt në këtë kategori
Shërbeu në Gaza, mjeku palestinez bëhet rektor i Universitetit të Glasgouit
Pas fillimit të sulmeve izraelite, Abu Sitta shkoi në Gaza përmes Egjiptit me organizatën Mjekët pa Kufij (MSF) dhe bëri përpjekje për t’i shërbyer popullit të Gazës në Spitalin Al-Shifa dhe Spitalin Baptist Al-Ahli deri më 18 nëntor.
Çfarë tjetër do të donit të dinit?
Popullore