Në hapësirën e Kurshumli Hanit, në Çarshinë e Vjetër të Shkupit, nën moton “Minim i emocioneve nëpër kohë”, është hapur edicioni i 15-të i festivalit të filmit dokumentar “MakeDox”.
Aktivitetet e planifikuara do të zgjasin deri më 22 gusht në Shkup, që do të zhvillohen në hapësirat e Kurshumli Hanit, Muzeut të Maqedonisë, Suli Hanit dhe Qendrës Kulturore të Rinisë.
Në hapjen e festivalit u shfaqën dy filma dokumentarë, filmi i shkurtër “How Do You Measure a Year” nga Jay Rosenblatt (ShBA, 2022) dhe filmi artistik “Celluloid Underground” (Mbretëri e Bashkuar/Iran, 2023) nga iraniani Ehsan Khoshbakht.
Pas shfaqjes, në kuadër të segmentit muzikor “Tregime të natës”, në Kurshumli An performoi muzikantja maqedonase Zarina Prvasevda, ndërsa mbrëmja u mbyll me performancën nga Dj Ishjan Twin.
