Një arbitër francez do të gjykojë ndeshjen Kroaci-Shqipëri.
UEFA ka publikuar emrin e gjyqtarit që do të arbitrojë ndeshjen Kroaci-Shqipëri, që do të luhet të mërkurën e 19 qershorit, në orën 15:00, në Hamburg.
Francezi François Letexier do të vendosë drejtësi në ndeshjen e dytë të kuqezinjve në Grupin B.
Nga Franca janë edhe asistentët e kryesorit Cyril Mugnier dhe Mehdi Rahmouni, ndërsa zvicerani Sandro Schärer është gjyqtar i katërt. Francezi Willy Delajod do të jetë në VAR.
Kujtojmë se në ndeshjen e parë kombëtarja shqiptare ishte e pafat në ndeshjen kundër Italisë nga e cila u mposht me rezultat 2:1.
Në një grup me Shqipërinë është edhe Spanja, e cila në ndeshjen e parë mposhti Kroacinë me rezultat 3:0.
TRT Balkan
